श्रीदेव सुमन
========
टिरी जिला बमुण्ड पट्टी
जौल छ गांव
तारा देवी माता छ
पिता हरिराम बडोनी
श्रीदेव सुमन बेटा ह्वेन
बलिदान दी तैं
अमर करि जौन नांव
टिरी जिला बमुण्ड
पट्टी जौल छ गांव
“प्रजामण्डल” बणैक प्रजा की
आवाज उठै
गढदेश सेवा संघ
सबि गढवासियों तैं क्रान्ति कु
बाटु दिखै
नाजायज कर
नाजायज कानून
हटौणे कि राजा सि निवेदन करै
राजमद म नशा म चूर राजा तैं
य बात हजम नि ह्वै
झूठा मुकदमा म तुमतैं सुमन
जेल म बन्द करै
चौरासी दिन तक जेल भुक्ति
तुमना जनता कि खातिर
जब राजा का ऐलकारों सि कुछ नि ह्वै
कुनैन क इंजेक्शन लगै
कांच कि रोटी खलै
तुमुन जेल म ही चौरासी
दिन भुखा रै
जब जेल म चौरासी दिन म
सुमन जी तुम टिरी जेल म शहीद ह्वे
सुमन जी !
तरुण ज्वानि म अमर शहीद ह्लैक
एक नया इतिहास रचै
तब जैक टिरी की जनता
गुलामि सी बचै
सुमन जी तुम तैं कोटि नमन
कोटि कोटि वन्दन
@रामचन्द्र नौटियाल
ग्राम जिब्या दशगी
जनपद उत्तरकाशी उत्तराखण्ड
